Өзбекстан экс-президентінің үлкен қызы 13 жылға сотталды

ТАШКЕНТ. 18 наурыз. Өзбекстанның бұрынғы президенті Ислам Каримовтың қызы Гүлнара Каримова жаңа айыптар бойынша 13 жылға сотталды. Бұл туралы «Интерфакс» хабарлады.

«Ташкент соты Өзбекстанның бұрынғы президенті Ислам Каримовтыі қызы Гүлнара Каримованы жаңа айыптаулар бойынша 13 жылға соттады», деп жазды портал.

Елдің Жоғары сотының мәліметіне сүйенген «Интерфакс» Каримованың қылмыстық қауымдастыққа қатысы болғанын атап көрсетеді. Ол біреулерді бопсалау, қорқытып-үркіту жолымен ақша тауып, өзіне қатысты мекемелердің қаржыларын талан-таражға салған. Бұдан басқа да қылмыстық әрекеттері дәлелденген.

Ол сондықтан жалпы мерзімі 13 жыл және 4 айдан тұратын жазаға кесілген.

Өзбекстан қылмыстық заңнамасының нормаларына сәйкес, Каримованың жазасын өтеу мерзімі ол құлып астына алынған 2015 жылғы 21 тамыздан басталады.