USD
НЬЮ-ЙОРК. 3 қыркүйек. Атақты неміс теннисшісі Борис Беккер қазақстандық Юлия Путинцеваның кортта көрсеткен тәлпіштігіне қатты қынжылыс білдірді. Бұл туралы «Чемпионат.com» ақпарына сүйенген rast.kz хабарлайды.
«Үлкен дулығаның» алты дүркін чемпионы, әлемнің бұрынғы бірінші ракеткасы ерекше мән беріп қараған бұл іс-қимыл түсірілген видео заматында әлеуметтік желіге тарап, миллиондаған адамның ашу-ызасын туғызды. Бұрыннан боқтық сөз айтып жүретінімен көзге түскен Юлия Путинцева бұл жолы өзіне доп жеткізіп беріп тұрған болгёрл қызды кемсітетіндей әрекет жасауымен көпшіліктің наласына қалды. Ол жас қыздың берген доптарын қолдарымен қайтарып тастап, алмай тұрды. Теннисшінің безерген түрі трибунада отырған Борис Беккердің де жынын қоздырды.
«Бұл өзін кіммін деп отыр екен сонда?! Мұның болгёрлге қатысты әрекеті жаға ұстатады» деді ол шыдай алмай кетіп.
«Үлкен дулығаның» алты дүркін жеңімпазы, әлемнің бұрынғы бірінші ойыншысы, неміс теннисшісі Борис Беккер АҚШ-тың Нью-Йорк қаласында өтіп жатқан «US Open – 2024» турнирінің үшінші айналымында қазақстандық Юлия Путинцеваның (32-ші) әлемнің бесінші ракеткасы, итальян Жасмине Паолинимен кездесуі кезінде жасаған жағымсыз инцидентіне жедел пікір білдірді»,– делінген хабарламада.
Расында Путинцева өзінің блогёрлді сыйламайтынын ойын барысында анық байқатты. Бір доп беру сәтінен кейін Юлия жас қыздың лақтырған доптарын бірнеше рет ашықтан-ашық қыр көрсетіп, қайтарып тастады.
Кейінірек теннисші, жұрттың көңіл күйін аңдап, қысымын сезінсе керек, қызметші қыздан кешірім сұрады. Бірақ бәрібір жұрттың көңілінде оған деген дақ қалды. Ең бастысы, Юлия өзінің кім екенін тағы да көрсетті.
Еске сала кетейік, Юлия Путинцева Париж Олимпиялық ойындарына барып тұрып, ондағы теннис турнирі басталуға бірер күн қалғанда, өзінің «ауырып» қалғанын айтып ақталып, жарысқа қатысудан бас тартқан болатын. Ал арада алты күн өткеннен кейін Канада өткен халықаралық турнирге арнайы ұшып барды…
Жақында Президент Қасым-Жомарт Тоқаев Қазақстан спорт федерациялары шетелден әкелінген легионердің қызметіне жүгінгенді тыятын уақыт жеткенін мәлімдеді. Сондай легионердің бірі түбі ресейлік, Мәскеу тумасы Юлия Путинцева еді.
