USD
МӘСКЕУ. 23 тамыз. Ресей билігі Украина әскерлерін Курск облысындағы басып алған аумағынан қуып шығуға қауқары жоқ екенін мойындап, онда сайлау өткізу тоқтатты. Бұл туралы Dialog.UA ақпарына сүйенген rast.kz хабарлайды.
Ресей орталық сайлау комиссиясы Курск облысының украин әскерлері басып алған аумағындағы жергілікті сайлауларды кейінге қалдыру туралы шешім қабылдады.
Ресейдегілер Курск облысының Украина Қарулы күштері басып алған территориясын жақын арада азат ете қоюға қабілеттері жоқ екендерін мойындап отыр. Мұны РФ орталық сайлау комиссиясының 8 қыркүйекте өткізу жоспарланып қойылған осы аудандардағы жергілікті сайлауларын кейінге қалдыруларының өзі анық аңғартады.
Ресей бұқаралық ақпарат құралдары келтіріп отырғандай, орталық сайлау комиссиясының басшысы Элла Памфилованың айтуынша, «құқық қорғау органдарымен бірге жағдай жан-жақты талданғаннан кейін» 7 муниципалитеььік сайлауды кейінге қалдыру жөнінде шешім шығарылған. Бірақ облыстың Ресей ықпалында тұрған аудандарында сайлау сол белгіленген уақытында өтетін болады.
Осы тұста 6 қыркүйекте Украина Курск облысының территориясын өз құрамына енгізу жөнінде референдум өткізгелі жатқаны жайында да әңгіме тарап жатыр. Бірақ мұндай мәлімдеменің Киев тарапынан айтылмағаны тағы анық. Оны шығарып отырған – тағы да Ресей пабликтері…
Dialog.UA бұдан бұрын хабарлағандай, ресейлік оппозиционер Илья Пономарев өзінің Украина Қарулы күштері басып алған аудандарда антипутиндік үкімет құруға, сөйтіп, Путин билігіне қарсы жұмыс істеуге дайын екенін мәлімдеген болатын. Оның айтуынша, бұған тек Киев тарапынан саяси рұқсат берілуі керек.
