Қырғыз боксшысы тарихта бірінші рет Олимпиада финалына шықты
ПАРИЖ. 9 тамыз. Қырғызстаннан Париж Олимпиадасына барған жалғыз боксшысы, 57 келіге дейінгі сақмақтағы Мунарбек Сейитбек уулу бокс турнирінің финалына шықты. Бұл туралы қырғыздың 24.kg сайты ақпарына сүйенген rast.kz хабарлайды.
«Бүгүн, 9-августта кыргызстандык мушкер Мунарбек Сейитбек уулу Париж олимпиадасынын финалына чыкты», – делінген қырғыз ресурсында.
«Ал жарым финалда атаандашы болгариялык Хавьер Ибаньес Диаз менен күч сынашып, 4:1 эсебинде жеңип алды. Эми Мунарбек Сейитбек уулу алтын медаль үчүн беттешет. Буга чейин Мунарбек Сейитбек уулу 57 килограмм салмакта 1/8 финалда кубалык Орта Родригес Дель Рей Сайдель Иванды жеңип, чейрек финалга өткөн. Кийинки баскычта америкалык спортчу Жамал Харвини утуп, жарым финалга чыккан», – делінген бұдан әрі.
Таблоидтың жазуынша, «Кыргызстандык мушкер финалда өзбекстандык Абдумалик Халоков менен беттешет».
Ал финалдық шайқас 10 тамыз күні түнде, Астана уақытымен сағат 00:47-де басталады.
«Белгилей кетсек, Мунарбек Сейитбек уулу Кыргызстандын беш жолку чемпиону, студенттер аралык Дүйнө чемпионатында коло медаль тагынган, Дүйнө чемпионатынын коло байгесинин ээси, Азия чемпионатында коло медаль уткан», – деп атап өтеді сосын интернет басылым.
Олимпиадаға өз жаттықтырушысынсыз келген Мунарбекке бұған дейін Өзбекстан құрамасының мурабиі Акмаль Хасанов секундант болып келген еді. Енді Сейитбек уулу өзбек атлетімен шайқасатын болғандықтан, бұл міндетті Қырғызстан ұлттық құрамасының бас жаттықтырушысы Данияр Төлөгөн уулуның өзі атқаратын болып отыр.
Бұған дейін Халоков пен Сейитбек уулу шаршы алаң үстінде екі рет кездескен. Бірінші рет олар 2021 жылы Бішкекте өткен Д. Шопоқовтың мемориалында ширек финалда беттесті. Жекпе-жек 5:0 есебімен өзбек боксшысының пайдасына шешілді. Екінші рет 2023 жылы Ташкентте өткен әлем чемпионатының жартылай финалында ұшырасты. Турнирге оң қолын жарақаттап алып барған қырғыз спортшысы бұл жолы да қарсыласына есе беріп қойды.
Абдумалик Халоков соңғы рет 2023 жылдың 24 ақпанында Болгарияда өткен Странджа турнирінде қазақстандық Оразбек Асылқұловтан ұтылды. Содан бері жеңілістің ащы дәмін татып көрмеген ол әртүрлі рингтерде үзіліссіз 19 рет жеңіске жетті. Сол аралықта Халоков әлем чемпионатын, Азия ойындарын және Болгария мен Ресейдегі екі турнирді ұтып үлгерді.
Қырғызстан боксшыларының Олимпиялық ойындарда алған орындары:
1996 жыл. Атланта
Сергей Копенкин – 9-орын
Нурбек Касенов – 9-орын
Андрей Курнявка – 17-орын
2000 жыл, Сидней
Алмазбек Раимкулов – 8-орын
Таалайбек Кадыралиев – 9-орын
Владислав Визитер – 9-орын
Алексей Катулевский – 9-орын
Нурбек Касенов – 17-орын
2004 жыл, Афина
Айбек Абдымомунов – 17-орын
Асылбек Таласбаев – 17-орын
2008 жыл, Бейжің
Асылбек Таласбаев – 9-орын
2016 жыл, Рио-де-Жанейро
Эркин Адылбек уулу – 17-орын
