USD
ПАРИЖ. 3 тамыз. Қазақстандық гимнаст Нариман Құрбанов тұтқалы ат жаттығуы бойынша Олимпиаданың күміс жүлдесіне қол жеткізді. Бұл туралы Olympic.kz ақпарына сүйенген rast.kz хабарлайды.
«Париж Олимпиадасында спорттық гимнастикадағы тұтқалы ат жаттығуы бойынша Олимпиада чемпиондары мен жүлдегерлері анықталды», – делінген хабарламада.
Нариман Құрбанов жаттығуды ең бірінші болып орындап, 15.433 ұпай алды. Ол базалық қиындығы 6.7-ге тең жаттығуды сәтті орындап шықты.
Бұл сында алтын медальді ирландиялық Риз Макленаген иеленді. Оның ұпай көрсеткіші – 15.533.
Қола медаль америкалық Штефан Недорочекке бұйырды. Ол 15.300 ұпай жинады.
