17 жасар футболшы Ламин Ямаль өзінің сүйікті қызын бірінші рет көрсетті
МАДРИД. 17 шілде. Испания құрамасының 17 жасар ойыншысы, Еуропа чемпионы Ламин Ямаль өзінің жүріп жүрген қызын бірінші рет көпшілікке таныстырды. Бұл туралы Offside.kz ақпарына сүйенген rast.kz хабарлайды.
«Барселона» клубы мен Испания құрама командасының вингері Ламин Ямаль алғаш рет өзінің сүйікті қызының кім екенін айтты. Ол Барселонаның 20 жастағы студенті Алекс Падилья болып шықты.
Жақында, 14 шілде күні болып өткен Еуро-2024 чемпионатының марапатын алған кезінде Ямаль өзінің сүйген қызын құшақтап тұрды. Бойжеткеннің үстінде бойфрендінің тегі жазылған Испания құрамасының жейдесі болды, ал қолына Ламинге ең жас үздік ойыншы ретінде тапсырылған жүлдені ұстады.
Әзірге қыздың Барселонада оқитын студент екені ғана белгілі, ал оның TikTok желісінде 700 мың жазылушы бар көрінеді. Оның Ямальмен бірге түскен рәсімі жарияланғаннан кейін тағы мыңдаған адам қатарына қосылыпты.
Мәнбелер мәліметтеріне қарағанда, негізінен Падилья Ламинмен құрдас болуы тиіс, тек қыздың жасын біреулер 20-да деп, жалған дерек таратып жіберген сияқты.
Сонымен бірге, Алекстің Ямаль отбасы мүшелерімен бірге Испания құрамасының барлық топтық ойындарын тамашалап шыққаны айтылады. Бірақ бұған дейін олардың қарым-қатынасы ресми түрде жария етілмеген екен.
Испания финалда жеңіске жеткен соң Ламин мен Алекс өздерінің жұп екендерін ашықтан ашық жариялады.
