USD
КӨКШЕТАУ. 13 шілде. Ақмола облысының Шортанды аудандық әкімдігі кеңсесінде бір-біріне жұдырық сілтескен екі шенеунік сот жүзінде жаза алды. Бұл туралы Skifnews.kz ақпарына сүйенген rast.kz хабарлайды.
Кейін белгілі болғанындай, оқыс оқиға Ақмола облысы Шортанды ауданы әкімінің орынбасары мен аппарат басшысы арасында орын алған. Олар жұмыс кезінде бір-бірімен сөзге келіп, ол жанжалға айналып, мұның соңы екеуінің жекпе-жек төбелесіне ұласқан. Сарапшының қорытындысы бойынша, әкімдік қызметкерлері осының салдарынан бір-бірінің денсаулығына жеңіл зиян келтірген.
Оқиға 2024 жылдың мамыр айында тіркелген.
«Сот шешімімен аудан әкімінің орынбасары А. және аппарат басшысы Б. баптың 1-бөлігінде көзделген әкімшілік құқық бұзушылықты жасағаны үшін кінәлі деп танылды. ӘҚБтК-нің 73-1 (Денсаулыққа қасақана жеңіл зиян келтіру) бабы бойынша және әрқайсысына 55 380 теңге көлемінде айыппұл түріндегі әкімшілік жазалар қолданылды», – делінген хабарламада.
Сот қаулылары заңды күшіне енген жоқ.
