Бишімбаев ісі: әлдекімдер судья Айжан Құлбаеваны қорқытып жатыр
АСТАНА. 19 сәуір. Бишімбаевтың қылмысын қарап жатқан судья Айжан Құлбаеваға әлдекімдер нөмірі белгісіз телефон арқылы қорқытуға кірісіпті. Бұл туралы Aikyn.kz ақпарына сүйенген rast.kz хабарлайды.
Осы фактіге байланысты Астана қаласының полициясы бүгін қылмыстық іс қозғады.
«Астана қаласының полиция департаменті судья А.Құлбаеваға қатысты қорқыту фактісі бойынша қылмыстық іс қозғады», – делінген хабарладама.
«Судьяның ұялы телефонына белгісіз нөмірден қоңыраулар мен қорқыту хабарламалары түскен. Қылмыстық кодекстің 407-бабы 1-бөлігі («Сот төрелiгiн жүзеге асыруға кедергi жасау мақсатында соттың қызметiне араласу») бойынша сотқа дейінгі іс жүргізу басталды.
Судья жеке қауіпсіздік шараларымен қамтамасыз етілді. Сонымен қатар интернет кеңістігінде жүргізілген мониторинг барысында судьяға қатысты қылмыстық құқық бұзушылық іс-әрекеттері бар көптеген жағымсыз жарияланым анықталды.
Тексеру шараларының нәтижелері бойынша, тергеу органы Қылмыстық кодекстің 411-бабы 1-бөлігі («Судьяға жала жабу») бойынша қылмыстық іс қозғады. Заң кез келген адамға сот төрелігін жүзеге асыру процесіне, оның ішінде судьяның атына жала жабу немесе қорқыту сипатындағы материалдарды жариялау жолымен, ықпал етуге тыйым салатынын ескертеміз. Сот билігінің беделін түсіретін әрекеттердің жолы кесілетін болады», – деп хабарлады Жоғарғы соттың баспасөз қызметі.
