Ресейліктерді жұмысқа шақыруда Қазақстан көш басын ешкімге бермей тұр

МӘСКЕУ. 14 ақпан. Соңғы кездері Қазақстан, Беларусь және Сакартвело елдерінің орыстарды жаппай жұмысқа шақыруға кіріскені байқалады. Бұл туралы The Moscow News ақпарына сүйенген rast.kz хабарлайды.

«Ресейдің жүздеген компанияларының басқа елдерге қоныс аударуларының ізінше ресейліктерді жақын шетелдерге жаппай жұмысқа шақыру басталды», – делінген хабарламада.

Ресей мамандары 2023 жылы шетелдерден бос жұмыс орындарына барлығы 516 мың шақыру алды. Бұл – соның алдындағы жылғыдан 38 пайызға көп.

Орыстарды ең көп шақырған ел – Қазақстан болып шықты. Онда 142,7 мың ресейлік шақырту алған (алдындағы жылдан 28%-ға артық). Бұдан кейінгі орындарды 106,3 мың шақыртуы бар Беларусь (21%) пен 84,1 мың шақырту жіберген Сакартвело (16%) еншілейді.

Сонда Қазақстанға келіп жайласқан Ресей компаниялары тек өздерінің ресейлік орыстарын жұмысқа шақыратын болып тұр ғой.