USD
МӘСКЕУ. 27 қаңтар. Кремльдің «қаһарман қаршығасы» Холокост құрбандарын еске алу күні Украинаны жермен жексен етіп жойып жіберуге шақырды. Бұл туралы «Диалог.ua» ақпарына сүйенген rast.kz хабарлайды.
РФ қауіпсіздік кеңесі төрағасының орынбасары Дмитрий Медведев тағы да Украина мен украин халқын геноцидке ұшырату керек екенін мәлімдеді. Мұның қоймай, осылай ету үшін Ресейдің қолынан келгенінің бәрін істейтінін ашып айтты.
Ресейдің жоғары лауазымды шенеунігі өзінің жанжалды жазбасын 27 қаңтарда ресейлік «ВКонтакте» әлеуметтік желісіне орналастырды.
Медведев жабайы мәлімдемесін Ленинград блокадасының алынғанына 80 жыл толуы тойлануына орай жазып қалдырды. Оның мәтіні «неофашизм күштерімен» күреске шақыра отырып, Украинаны жойып жіберу жөнінде қоқан-лоққы жасауға құрылған.
«Киеа РФ-ға қарсы күреспек болады (…), ал Ресей өзінің жауларының жер бетінен біржола жойылып кетуі үшін қолдан келгеннің бәрін жасайды», – деп жазады Медведев.
Айта кету керек, РФ төрағасының орынбасары біраздан бері тек Украина мәнзіліне ғана емес, сонымен бірге Батыс тарапына да ұдайы осылай азу тісін ақситып, айбат шегумен болып келе жатыр. Ол бұларда көбіне сол елдердегі Ресей агрессиясына наразылық білдіріп жүрген шенеуніктерді келекелеп жазады. Бұған қоса, Медведев сондай-ақ өзге елдер территорияларын басып алатын, оларда теракт жасайтын және ядролық қарумен соққылайтын болып қорқытады.
РФ-да «Димон» Медведевтің алкогол алдында әлсіз екені оншалықта құпия нәрсе емес, оның маскүнем екенін жұрттың бәрі біледі. Мұның қатты тереңдеп кеткені сондай, қауіпсіздік кеңесі басшысының орынбасары көпшілікпен өтетін шаралардың бәріне ылғи масаң күйде келіп қатысады. Мысалы, өткен көктемде Қытай лидері Щи Жиңьпиннің Мәскеуге келген сапарына арналған шараға тап солай бұлғаңдап келген.
