Ресейдің Украинаға кезекті соққысынан соң Байден Конгреске сөз айтты
УАШИНГТОН. 30 желтоқсан. Путин армиясы Украинаны кезекті мәрте сұрапыл соққы астына алғаннан кейін АҚШ Джо Байден Конгреске шұғыл шықты. Бұл туралы «Диалог.ua» ақпарына сүйенген rast.kz хабарлайды.
Ақ үйдің егесі өз олақтастарын Украинаға террор жасауды жалғастырып келе жатқан лаңкес-диктатор Владиммир Путинді тоқтатуға шақырды.
29 желтоқсан күні орын алған Ресейдің Украина қалаларын ракетамен атқылауынан кейін АҚШ президенті Джо Байден Конгрестен «қимылдауды», сөйтіп, Украинаға шұғыл жәрдем беру үшін ымыраға келуді талап етті. Ол Кремльдің Украинаны жойып жіберу үшін қолынан келгеннің бәрін істейтінін әріптестерінің есіне салды. Осыған байланысты Конгрестен ішкі араздықтан арылып, Украина үшін әуе шабуылына қарсы қаруларды берудің амалдарын жасауды ұсынды.
Ресейлік басқыншылар 29 желтоқсан күні таңертең Украинаға 158 ракетамен және дрондармен жойқын шабуыл ұйымдастырды. Осы шабуыл кезінде кемінде 30 бейбіт тұрғын оққа ұшты, жүзден астам адам жарақаттанып қалды.
«Бұл – екі жылға жуық соғыстан кейін де Путиннің бүліншілік соғысының мақсаты ешбір өзгермегенін күллі әлемге айғақтап берген қатал ескерту. Ол Украинаны жойып жіберіп, оның халқын өзіне бағындыруға ұмтылып отыр. Енді оны тоқтату қажет», – деді Байден.
Айта кету керек, бұдан бір ай бұрын Конгресте республикашылар АҚШ-тың Украинаға әскери көмек беруін қайта қалпына келтіру жөніндегі ұсынысты тоқтатып тастаған еді. Олар алдымен елдегі көші-қон саясатын жөнге келтіруді талап етіп отырып алды.
