Қытай РФ-ға астыртын қару бергені аян болған қорғаныс министрін құртты
БЕЙЖІҢ. 25 қазан. Қытай Ресейге астыртын қару-жарақ беріп келген ұрлығы әшкере болғаннан кейін, қорғаныс министрі Ли Шанфуды бірден доғарысқа жібере салды. Бұл туралы The Moscow News ақпарына сүйенген rast.kz хабарлайды.
Қытайдың мемлекеттік телеарнасы екі айдан бері көпшілік алдында көрінбей қалған қорғаныс министрі Ли Шанфу жолдастың кеше біржола доғарысқа жіберілгенін баяндады.
Жасы 65-ке келген Ли Шанфу бұған дейін Щи Жиңпиңнің жеке қолдауында жүрген кадр болып саналатын. Ол биылғы наурызда ғана Вэй Фэньхэнің орнына қорғаныс министрі болып тағайындалған еді. Ол 2018 жылдан бері Ресейден Су-35 истребительдері мен С-400 ракета кешенін сатып алғаны үшін АҚШ-тың санкциясы шеңберінде тұрды. Си министр болып тағайындалғасын бір айдан кейін Мәскеуге келіп, Путинмен кездесті.
Қыркүйектің ортасында Financial Times барлау мәліметтеріне байланыстары бар америкалық шенеуніктерге сілтеме жасай отырып, Лидің қызметінен шеттетілгенін, қазір оның үстінен әскери техниканы сатып алуға жіберген қаржылық тәртіп бұзушылықтарына байланысты іс қозғалғанын жазған болатын. Сонымен бірге, қорғаныс министрінің Ресейге жасырын түрде қару-жарақ бергізіп келгені де айтылып жатыр.
