ХОК Ресей Олимпиялық комитетінің қызметін тоқтатты
ЛОЗАННА. 12 қазан. Халықаралық олимпиялық комитет (ХОК) бейсенбі күні Ресейдің Украинадағы соғысына байланысты Ресей Олимпиялық комитетінің іс-әрекетіне тоқтау жөнінде шешім қабылдады. Бұл туралы The Moscow News дерегіне сүйенген rast.kz хабарлайды.
ХОК Ресей Олимпиялық комитеті (РОК) Луганск, Донецк, Херсон және Запорожье облыстарында ресейлік оккупаттар құрып берген олимпиялық кеңестерді мойындағаннан кейін оны шұғыл түрде Олимпиялық ойындардан шығарып тастады, енді қаржыландыру да тоқтатылады.
«Бүгін ХОК айқын саяси астары бар кезекті контрөнімді шешім қабылдады. Аса басым бөлігі халықаралық жарыстардан негізсіз шеттетілген ресейлік спортшылар үшін аталмыш қадам ешқандай әсер ете алмайды, бейтараптық мәртебесі өзгеріссіз қалды», – деп баяндады ар-ұяттан жұрдай Ресей олимпиялық комитеті ешбіо шімірікпестен.
«РОК халықаралық спорт қозғалысына қатысушы ретінде өз мүдделері, сондай-ақ біз қызметін адал атқарып жүрген егемен елдің спортшылары мен ұйымдарының мүдделерін қорғау құқығын өзіне қалдырады», – деп тағы лағып кетті сосын.
