НАТО фин-эстон газ құбырының жарылысына кінәліні жазасыз қалдырмайды
БРЮССЕЛЬ. 11 қазан. НАТО-ның бас хатшысы Йенс Столтенберг Финляндия – Эстония арасындағы газ құбырының жарылысын жасағандарға күйрете соққы берілетінін мәлімдеді. Бұл туралы The Moscow News дерегіне сүйенген rast.kz хабарлайды.
Оқиға 7 қазанға қараған түні орын алды. Финляндиядан Эстонияға қарай Балтық теңізінің табаны арқылы тартылған газ құбыры апат салдарынан істен шықты.
Мұны зерттеп жатқан Финляндия тарапы оның Ресей жасаған диверсия екеніне оншалықты күмән келтіріп отырған жоқ. Ал егер оның НАТО елдерінің инфрақұрылымын шығынға ұшырату мақсатында қасақана жасалып отырған әрекет екенін дәлелденсе, Альянс бірден тез және батыл жауап қайтаратын болады.
Соғыс блогының бас хатшысы Йенс Столтенберг Балтық теңізінің табанындағы Финляндия мен Эстония арасын жалғап тұрған BalticConnector газ құбырын Ресейдің жарып жіберуі мүмкін екені жөнінде айтылған болжамға сай осылай деді.
Бұдан бұрын Хельсинки газ магистралінің диверсия салдарынан бүліншілікке ұшырағаны жайлы мәлімдеген еді. Қазір оған кімнің қатысы барын анықтау мақсатында тексеру жұмыстары жүріп жатыр.
