USD
РИГА. 23 мамыр. Хоккейден Қазақстан құрамасы Латвия астанасында өтіп жатқан әлем чемпионатында Словенияны ұтылып жатып, ұтып кетті. Бұл туралы rast.kz хабарлайды.
Ғалым Мәметәлиевтің щәкірттері жеңіске ойында камбэк жасау арқылы жетті.
Қазақстандықтар топтық іріктеу кезеңінің соңғы турында Словениямен кездесті.
Бірақ бұл кездесуге дейін-ақ біздің құрама әлем хоккейінің элитасындағы тіркелімін сақтап қалған еді. Соған қарамастан, матч кескілескен шайқасқа толы болды.
Ойынның екінші минутында Словения шайба салып үлгерді. Оны Анже Куральт түсірді.
Біздің жерлестеріміз бірінші кезеңнің соңында ғана таразы басын теңестіре алды. Осылайша Никита Михайлис мергендігімен танылды.
Екінші кезеңнің 22-минутында тағы да Кувальт өз командасын алға шығарды. Қазақстандықтар тағы да кезең бітіп жатқан кезде (40 минут) есепті теңестіруге қол жеткізді. Бұл жолы Батырлан Мұратов көзге түсті.
Үшінші кезеңнің бас жағында (43-минут) Ян Дрог командасын тағы алға оздырды – 3:2! Осыдан кейін Қазақстан құрамасының камбэк жасайтын кезегі келді. Алдымен 52-минутта Евгений Рымарев есепті теңге жеткізді. Ал 57-минутта Максим Мухаметов өз командасын осы матчта бірінші рет алға шығарды.
Матч соңында қазақстандықтар сапынан Евгений Рымарев үздік ойыншы атанды.
Қвзақстан құрамасы жеті ұпаймен алтыншы орынға көтерілді. Ал словениялықтарда бірде-бір ұпай жоқ.
Фото Vesti.kz-ден алынды
