Швейцария деревняға көшіп келетін әр адамға $60 мың ақша береді
БЕРН. 12 наурыз. Швейцария билігі өз еліндегі бір деревняға көшіп келетін әр адамға 60 мың доллардан ақша беруге шешім қабылдады. Бұл туралы шетелдік таблоидтарға сүйенген rast.kz хабарлайды.
Шенеуніктер осылайша бұл елді мекендегі адамдар санының азайып бара жатқанын тоқтатуға үміт артады.
Гәп Альпы тауларының басында 1 300 метрлік биікте орналасқан Альбинен ауылы жайында болып отыр. Арнайы бағдарлама тек осы ауылға ғана қатысты жасалған.
Аталмыш елді мекен соңғы жылдары біржола жоқ болып кетуге жақындап қалған. Олай болатыны, мұндағы байырғы тұрғындардың ұрпақтары арасында біртіндеп ірі қалаларға қарай қоныс аударушылар легі көбейіп кеткен. Ал олардың орындарына келіп жатқан ешкім жоқ.
Ең соңғы, 2020 жылы жүргізілген халық санағы Альбиненде небәрі 243 адам қалғанын көрсеткен. Қазір мұндағы жан саны бұдан да азайып кеткен. Сондықтан билік бұған ерекше назар аударып, дабыл қағып жатыр.
Дегенмен, мигрант Альбиненге көшіп келгеннен кейін тиісті субсидия алу үшін бірқатар талаптардың деңгейінен табылуы керек екен. Мысалы, бағдарламада көшіп келушінің жасы 45-тен аспаған болуы тиіс екені атап көрсетілген. Онда сондай-ақ Швейцария азаматтығы немесе елде тұруға рұқсаты (вид на жительство) болғаны жөн. Бұдан бөлек, релоканттар деревняға келгесін құны кемінде 216 мың доллар тұратын үй соғып алуы және Альбиненде 10 жыл тұруы тиіс. Олай болмаған жағдайда (ертерек кетіп жатса) алған ақшаларын толық қайтарып береді.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.
