USD
МӘСКЕУ. 3 наурыз. БАҚ-тарда Алина Кабаеваның элиталық жылжымайтын мүліктері жайлы ақпарат шығып кетуіне байланысты Владимир Путин үлкен шу көтерді. Бұл туралы шетелдік сайттар дерегіне сүйенген rast.kz хабарлайды.
Ресей президенті Владимир Путин бұқаралық ақпарат құралдары беттерінде Алина Кабаеваның элиталы жылжымайтын мүліктері жайында жарияланымдар сериясы жарық көріп кеткеннен кейін «көңілдесін» жерден алып, жерге салды.
Жақында «Проект» басылымы Путин мен жұрт көп жылдардан бері оның құпия әйелі санап жүрген Кабаеваның жеке өмірлері туралы бағдарламалар циклын шығарды. Бұқаралық ақпарат құралдарында астыртын сипаттағы ақпарат тарап кеткеннен кейін Путин «шынжырын үзе жаздап» ышқынып, «көңілдесіне» аузына келгенін айтып, айбат шекті.
ТГ-канал Generall SVR осыған орай бұдан бірер күн алдын Кремль қожайынының Кабаевамен шәлкем-шәліс сөзге келіп қалғанын жазды. Ол сүйіктісін құрбылары арасында аузында сөз тұрмайтын, РФ президентінің жеке өмірі жайлы баспасөзге дерек беретін ханымдар бар екенін айтып сөкті.
«Бұл жолы отбасылық шайқастың туып кетуіне «Проект» басылымының Путин мен Кабаева екеуінің «күш жұмсамай» тапқан бірлескен дүние-мүліктері себеп болды. Президент жұбайына мұндай тексерістің туып кетуіне оның құрбылары арасында өсекшілер бар екенінен деген айып тақты. Мұны ол боғауыз сөздер арқылы жеткізіп: «п…здят на каждом углу обо всем, что знают и не знают» деген тіркеспен айтты», – деп жазады арна.
Анықталмаған мәліметтер бойынша, Путин өзара есеп айырысу барысында өзінің аулада өткен балалық шағынан да хабар беріп, сөздеріне боқтық араластырып жіберген. Бұдан және қысыла да қоймаған екен. Сол кезде Кабаева да қарап қалмапты, ол өзінің «алтын тордағы» өмірінен әбден жалыққанын келтіріп, өзін «күйеусіз әйелдей» сезінетінін ашып айтыпты. Бұдан бөлек, ол Путиннің өзінен 31 жас үлкен екенін алға тартып, «мұның орнына кінәлілерді өз достары арасынан іздеуге кеңес беріпті».
Журналистердің мәліметі бойынша, Путин мен Кабаеваның арасындағы жанжал бұрынғы гимнастың көз жасына ерік беруімен аяқталыпты. Ал РФ президенті әйелімен шайқастың бұлай біткеніне риза болып қалған сияқты, өйткені, ол өзін «сөз сайысының жеңімпазы» санағанға ұқсайды.
Еске сала кетейік, журналистер жақында бірінші рет Путин мен Кабаеваның бірге тұрып жатқан сәулетті сарайын көрсетті. Көзкөргендер резиденцияда ұдайы балалар болатынынан хабар беріпті. Олардың арасында президенттің жиен немерелері ғана емес, сонымен қатар өз ұлдары да бар деседі. Әрине, олардың анасы – Алина Кабаева. Олар үшін арнайы ойын алаңдары да жасалып қойылған.
Әлеуметтік желіде сондай-ақ Кабаеваның Сочидегі пәтері интерьерінің суреттері жарияланды. Бұл пентхаус Ресейдегі ең қымбат үй болып саналады.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады
