USD
ТОКИО. 7 ақпан. Токио қаласында жапон жұртшылығы шеруге шығып, Ресей Федерациясынан басып алған аралдарын қайтаруды бірінші рет талап етті. Бұл туралы Kyodo News хабарлады.
Жапон астанасында ел Үкіметінің демеушілік етуімен жұрттың Ресей елшілігі алдында шеруі болып өтті. Шара жыл сайын 7 ақпанда өтіп тұратын Солтүстік территоияларды қайтару күніне орай өркен жайды.
1855 жылы осы күні Жапония мен Ресей арасында сауда, теңізде жүзу және шекараны демилитация жасау жөнінде келісімшарт жасалып, онда Курильдің төрт аралы түгелдей Жапония қарауына өткен еді.
«Кеңес Одағы бұдан 77 жыл бұрын заңсыз оккупациялап алған солтүстік территориялардың әлі күнге дейін қайтарылмай отырғаны мүлде ақылға сыймайды». – делінген жапон үкіметінің сейсенбі күні жариялаған мәлімдемесінде.
Елшілік үйіне барар жолда полицияның күшейтілген жасағы қойылған. Олардың арасында арнайы мақсаттағы жасақ та бар.
Бұған дейін, 2019 және 2020 жылдары осы тақырыпта шеруге шыққандар сөздерінде «заңсыз оккупация» деген тіркес қолданылмаған еді. Шамасы, үкімет ол кезде Мәскеумен арадағы қарым-қатынасты бұзып алудан жасқанса керек. Онда премьер-министр Синдзо Абэ осы таласты шешуші өзінің басты мақсаттарының бірі етіп алға қойған болатын.
Жапония үкіметі жапон армиясы Екінші дүниежүзілік соғыста 1945 жылдың 15 тамызында капитуляция жасағаннан кейін көп ұзамай КСРО Хоккайдо жағалауындағы Куриль аралдары шоғыры – Итурупты, Кунаширді, Шикотанды және Хабомаи аралдар тобын заңсыз басып алды деп есептейді.
Шерушілер сондай-ақ «Басқыншылар, Украинадан табанларыңды жалтыратыңдар!» деп те айқайлады. Тағы бір автокөліктерде украин жалауы желбіреп тұрды.
<iframe width=’620′ height=’400′ src=’https://www.obozrevatel.com/player/2975141.htm’ title=’embed’ frameborder=’0′ allowfullscreen></iframe>
Еске сала кетейік, 2022 жылдың күзінде Украина президенті Володимир Зеленьский әлем қауымдастығына үндеу арнап, Жапонияға қарайтын Куриль аралдарын Ресейдің жаулап алғанын мойындауға шақырған болатын.
<iframe width=’620′ height=’400′ src=” title=’embed’ frameborder=’0′ allowfullscreen></iframe>
