АймақЖаңалықтар жаңғырығы

Ресейде әскер жасындағыларды «аулау» науқаны тағы да қызып жатыр

МӘСКЕУ. 13 желтоқсан. Ресейде жаппай мобилизация уақыты аяқталғаны жария етілгеніне қарамастан, әскер қатарындағы жастарды «аулау» қайта қолға алынды. Бұл туралы The Moskow News хабарлады.

Бұған дейін әскер қатарын 300 мыңнан аса адамның толықтырғаны баяндалған болатын.

Бірақ қазіргі күндері Ресейдің миллионнан астам тұрғыны бар ірі қалаларында шақырылым жасындағы жастарды «аулау» әрекеттері қайта жүргізіле бастағаны айтылып жатыр.

«Агораның» басшысы Павел Чиков полицейлердің бірінші кезекте Мәскеуде, сол сияқты Волгоград, Владивосток секілді ірі қалаларда әскерге шақырылуы ықтимал жас жігіттерді көшеде, қоғамдық орындарда ұстап алып, әскери комиссариаттарға күштеп апарып жатқандары жайлы ақпар таратты. Құқық қорғаушылар өздерінің бұл әрекеттерін шақырту алған жастар әскери комиссариаттарға бармай жатыр деген желеумен ақтап алмақшы болуда.

Ресей қорғаныс министрі Сергей Шойгу қожайынының алдында есеп беріп тұрғанда 300 мыңдық мобилизация жоспары орындалғанын баяндап еді. «Еріктілердің» есебінен бұл көрсеткіштің тіпті 500 мыңға дейін барып қалғаны да айтылып жүрді. Алайда бұлардың ешбірі жас жігіттер мен ер кісілерді көшеде жаппай ұстап ала беруге тосқауыл бола қоймады. Мобилизацияның сонымен тоқтайтыны да жай кезекті қалп сөздердің бірі болып шықты.

Бұдан бұрын мобилизацияның екінші толқыны қыс басталғанда басталып қалуы мүмкін екені де болжанды. Енді сол мезет нақты келіп тұр. Ресей қалаларында «ит аулағандай» жас жігіттерді құрықтау дүрбелең тағы тың қарқынмен жүріп жатыр.

Тағы көрсету

Пікір қалдыру

Ұқсас мақалалар

Back to top button