Жамбыл облысындағы жанжалды полиция тексеріп жатыр

ТАРАЗ. 8 ақпан. Жамбыл облысының Қордай ауданындағы Масанчи селосының тұрғындары арасында жаппай төбелес болды. Бұл туралы «ҚазАқпарат» хабарлайды.

«Полиция күшімен шиеленіс шешілді, жағдай толық бақылауда тұр. Жамбыл облысы Полиция департаментінің тергеу басқармасы ҚР Қылмыстық кодексінің 293-бабы (Бұзақылық) бойынша сотқа дейінгі тергеу амалдарын бастады», – делінген хабарламада.

Төбелесті бастағандар мен қатысқандар анықталып жатыр.

Жамбыл облысы Полиция департаменті тұрғындарды тек ресми ақпараттарға ғана сенуге шақырады және жалған ақпарат таратпауды сұрайды.

«Жалған ақпарат таратқаны үшін, оның ішінде әлеуметтік желілер мен жедел хабарлаушылар үшін қылмыстық жауапкершілік қарастырылғанын ескертеміз», – дейді департамент.