Украина әскерлері Скадовскіде шоғырланған 50 оккупантты жойып жіберді

КИЕВ. 18 қараша. Украина Қарулы күштері РФ-ның Скадовск қаласына шоғырланған әскерлерін атқылап, бірден 50 оккупанттың жер жастандырды. Бұл туралы УНИАН хабарлады.

«Украина Қарулы күштерінің әскери қызметкерлері Херсон облысындағы жау уақытша басып алған Скадовск қаласында 50-ге жуық ресейлік басқыншының жаһаннамға аттандырды», – делінген хабарламада.

«Осы күндері дұшпанның Херсон облысындағы шығындарын анықталды. Осылайша Скадовск қаласындағы оккупанттар шоғырланған ауданға дәл соққы берудің нәтижесінде бір мезгілде 50-ге жуық агрессордың қаза тапқаны айғақталды. Ал Чаплинка қаласында жаудың оқ-дәрі қоймасы жойып жіберілді», – деп жазды Бас штаб өкілі Facebook-тегі парақшасына.

Бұған дейін, 17 қарашадағы тәулікте украин әскерлерінің 350-ге жуық оккупантты оққа байлап жібергені белгілі болған еді. Ал Ресей армиясының 24 ақпаннан бергі аралықта барлығы 83 460 солдатынан өлідей айырылғаны тіркеліп отыр.

Бас штаб хабарлағандай, украин әскерлері тәулікте жаудың адам мен техникасы шоғырланған 22 ауданды атқылаған.

Украина армиясы оңтүстік бағытта қарсы шабуылға шығуды жалғастырып жатыр.