Украин әскерлері «қадыровшыларды» аяусыз қырып салып жатыр
КИЕВ. 7 қараша. Украина Қарулы күштері РФ армиясы сапындағы «қадыровшыларды» аяуусыз қыруда: кеше Лисичанскіде олардың тағы 30-ын жер жастандырды. Бұл туралы «Стопкор» хабарлады.
Украин жауынгерлері қоршауға алынған Лисичанскіде шешендердің «Ахмат» бөлімшесіне күйрете соққы берді. Алдын ала мәлімет бойынша, осы ұрыста олардың 30-дан аса сарбазы оққа ұшқан, 15-ке жуығы жараланған.
Бас штабтың хабарлауынша, отты соққы 2022 жылғы қыркүйекте Шешенстан басшысы Рамзан Ахматовтың бұйрығы бойынша құрылған «Восток-Ахмат» қарулы күштері батальонының бөлімшесіне берілген.
Сарапшылар «қадыровшылардың» өз шығындары жөнінде ақпар таратпауға тырысатындарын айтып жатыр. Себебі, олар өздерін Ресей армиясының жеңілмес жасақтары етіп көрсеткілері келеді. Алайда, Украина жеріндегі соғыс барысында олар негізінен насихаттық материалдар түсіріп, оларды әлеуметтік желіде ұдайы таратып отыруларымен ерекшеленулеріне, ал ұрыс қимылдарында түк те бітірмегендеріне байланысты «tik-tok әскерлері» деген келеке мен келемежге тез-ақ айналып кеткен еді.
Әзірге Шешенстан билігі де бұл оқиға туралы жақ ашқан жоқ. Тек «Ахмат» бөлімшесінің командирі осының алдында ғана өз сарбаздарының Лисичанскіде екенін ғана айтып еді.
