Жаңалықтар жаңғырығыҚұқық

Грекия РФ-ны Украинаға соғыс ашқаны үшін соттау идеясын қолдады

АФИНА. 31 қазан. Грекия премьер-министрі Кириакос Мицотакис Балтық елдерінің Ресейді Украинаға агрессиясы үшін жауапқа тарту идеясын қолдайтынын білдірді. Бұл туралы bb.lv хабарлады.

«Егер соғыс қылмысы жасалған болса, егер мұның соғыс қылмысы екені дәлелденер болса, мен айтар едім, бұл қылмысты жасағандар жауапқа тартылуы тиіс. ЕО елдері лидерлері кеңесінің барлық мүшелері бұған келіседі ғой деп ойлаймын», – деді Кириакос Мицотакис Вильнюсте дүйсенбі күні Грекия мен Литва премьер-министрлері кездесуінен кейін өткен баспасөз мәслихатында.

«Негізінде, біз осындай пікірдеміз. Сіздерге айтқанымдай: біз осы қылмысты жасағандардың сот алдында жауап беруге тиіс екеніне сенімдіміз», – дегенді қосты ол сосын. Бұл орайда Балтық елдері біраздан бері көтеріп келе жатқан бұл мәселегі Грекия толық келісетінін жеткізді. Ресей басшылығы заң алдында жауап беруі керек.

Мицотакис сондай-ақ Ресей басқыншыларының Украина жерінде мақсатты түрде азаматтық инфрақұрылымдар нысандарына шабуыл жасайтындарын атап өтіп, келешекте Украинаға саяси, әскери және қаржы жағынан қолдау көрсетуге уәде берді.

Тағы көрсету

Пікір қалдыру

Ұқсас мақалалар

Back to top button