USD
ЕРЕВАН. 19 қыркүйек. Ереван қаласында кеше бірнеше жүздеген адам шеруге шығып, Арменияның Ұжымдық қауіпсіздік келісімшарт ұйымынан (ҰҚКҰ – ОДКБ) шығуын талап етті. Бұл туралы News.am хабарлады.
Демонстрация барысын армян БАҚ-тары трансляция жасап, көрсетіп тұрды.
Шерушілер Әзербайжан тарапынан болған шабуыл кезінде Ұжымдық қауіпсіздік келісімшарт ұйымынының Арменияға көмекке келмегенін алға тартты.
Акцияға жұрт Арменияның, Еуропа одағының, АҚШ пен Украинаның жалауын алып шықты. Олардың қолдарында сондай-ақ «Рахмет, АҚШ», «Әзербайжандардың қылмыстарын тоқтатыңдар», «Қош келдіңіз, Нэнси Пэлоси» деген ұрандар болды.
Осының алдында АҚШ Конгресінің спикері Нэнси Пелоси келгеннен кейін Армения мен Әзербайжан арасындағы атыс тоқтап, екі жақ бітімге келді.
Армения премьері Никол Пашинян Әзербайжанның территориялық тұтастығын мойындайтынын мәлімдеді.
ОДКБ елдері арасында әзірге соғыс өртіне шалдықпаған Қазақстаннан басқа ел қалмады. Бұл ұйымнан енді бедел де, мән де кетті.
