ISW: Путиннің Украинаға қатысты жоспары қатты өзгерген жоқ
КИЕВ. 17 тамыз. Ресей президенті Владимир Путиннің Украинаға жасаған басқыншылық соғысының жоспары ептеп түзету енгенімен, бағыты өзгерген жоқ. Бұл туралы «Украинкая правда» хабарлады.
Ресейдің мақсаты өзгермеген күйінде қала береді. Ол Киевтің режимінің ауысуына қол жеткізіп, Украинаның басым бөлігін бақылауында ұстауды көздейді. Сонымен бірге, Кремль өзінің ақиқи мақсатын әзірге бүркемелеп бағады, оны білдірмеуге тырысады. Ал ол мақсат кешегі Кеңес Одағы аумағында қайтадан Ресей империясын құруға барып тіреледі.
Американың соғысты зерттеу институты (ISW) Ресей президенті Владимир Путиннің 15 тамыз күні өткен «Армия-2022» форумында сөйлеген сөзінде Украинадағы соғыстың мақсатына тоқталғанда, Донецк және Луганск облыстарының территорияларынын тыс жерлерді туралы ештеңе айтпағанын жазды. Ол «біздің жауынгерлеріміз «Донбасс сарбаздарымен» бірге өздерінің борыштары абыроймен өтейді, Ресей үшін, «Донецк және Луганск халық республикаларындағы» бейбіт өмір үшін күреседі, «Донбасс жерін» қадам басқан сайын азат етіп, алдарына қойылған міндеттерін таза орындайды», – деп сайрады ол.
Институты сарапшылары Ресейдің мақсаты туралы бұлайша шектеулі мәлімдеме жасаудың оккупанттардың Украинаны «денацификациялау» және «демилитаризациялау» жөніндегі бұдан бұрынғы соғыс мақсаттарында көрсетілген формулировкаға сәйкес келмейтінін атап көрсетті. Сол сияқты Путиннің Херсон және Запорожье облыстарын басып алу жөніндегі жақын арадағы жоспарларынан ауытқып кеткен.
Ресей әскерлері қазіргі күндері Бахмут төңірегіндегі шабуылдаушы операцияларды бастағалы тұр, Авдеевканың оңтүстік-батысында, сондай-ақ Херсон облысының солтүстігі мен солтүстік-батысында жиі сәтсіздіктерге ұшырап жатыр. Соңғы уақыттары Қырымда бірнеше жерде жарылыстар орын алды. Соның ішінде екі оқ-дәрі қоймасы мен ұшақтар аңғары тас-талқан болды.
Ал Украинаның басты жоспарында Донбасты жаудан толық азат ету мен Қырымды қайтарып алу тұр.
