Әкелі-балалы Матаевтарға қатысты әділетсіз үкім қайта қаралады

АЛМАТЫ. 7 шілде. Қазақстан Бас прокуратурасы әкелі-балалы белгілі журналистер Сейтқазы және Әсет Матаевтарға қатысты әділетсіз үкімге қарсы қарсылық енгізді. Бұл туралы ҚазТАГ хабарлады.

Осының жайын мәлімдеген беделді адвокат Джохар Өтебеков көпшіліктен сүйінші сұрады.

«Іспен ұзақ уақыт танысқаннан кейін бас прокуратура менің өтінішімді қанағаттандырды! Сөйтіп, ҚР Журналистер одағының төрағасы Сейтқазы Матаев пен оның ұлы Әсетке қатысты әділетсіз үкімге қарсылық енгізді. Жақында Жоғары соттың отырысы өтеді. Біз тек ақтап алуды күтеміз!», – деп баяндады ол.

Еске сала кетейік, Сейтқазы және Әсет Матаевтар 2016 жылы әлдекімдердің жаласы бойынша сотталған болатын. Бұған қаскөй біреулердің қылмыстық қудалау кезінде ҚазТАГ агенттігін тартып алмақ пиғылы алып барды. Іс қаралу барысында Матаевтардың кінәсі Қазақстанда да, шетелде де саяси астары бар деп танылды, айыптаудың бір тармағы да дәлелденбеді, сонда да сот айыптау үкімін шығарды. Ал Матаевтарды тапсырыспен қудалауға қатысушылардың бірде бірі әлі күнге дейін жазаға тартылған жоқ