Литва темір жолы Ресейдің Калининградына тауар жіберуді тоқтатты
ВИЛЬНЮС. 20 маусым. Литва өзінің темір жолы арқылы Ресейге қарайтын Калининград облысына тауарлар мен жүк жіберуге тыйым салды. Бұл туралы УНИАН хабарлады.
Енді санкцияға түскен тауарлар мен жүктер Еуроодақ территориясы арқылы тасымалданбайтын болады. Литва 18 маусымнан бастап РФ-ның негізгі территориясынан Калининград облысы арасында санкцияға ілінген тауарларды тасымалдауды тоқтатты.
ВВС атап көрсеткендей, Литваның LTG Cargo теміржол компаниясы осыған байланысты Еуропа комиссиясынан түсіндірме алған. Оған сәйкес, санкцияға түскен тауарлар мен жүктер, – тіпті ол Ресейдің бір территориясынан екінші территориясы арасында болса де, – Еуроодақ территориясы арқылы тасымалданбайды.
РФ-ның Калининград облысының губернаторы Антон Алиханов Еурокомиссиядан түсіндірме талап ететінін мәлімдеді. Оның айтуынша, алдын ала есептеулер бойынша, бұл тыйым Калининград облысы мен Ресейдің қалған территориялары арасында тасымалданатын тауарлар номенклатурасының 40-50 пайызын қамтиды. Губернатор сондай-ақ мұның қосымша шығындар әкелетінін, себебі, Ленинград облысындағы Усть-Луга мен Калининград облысының порттары арасындағы тасымал соған апаратынын айтты.
Бұған Ресей тарапы тез жауап қайтарды. Агрессор «Еуроодақ Калининград блокадасын тез алмайтын», болса, бұл жағдайдың «өздерінің қолдарын босатынын», сондықтан ахуалды түзету үшін бәріне баратындарын айтып қорқытты.
