USD
АСТАНА. 15 мамыр. Қазақстанның бұрынғы Қорғаныс министрі Мұрат Бектанов 15 жылға бас бостандығынан айрылуы мүмкін екені айтылып жатыр. Бұл туралы «Орда.kz» хабарлады.
Айта кетуіміз керек, Мұрат Бектанов биылғы жылдың 22 ақпанынан бері қамауда отыр.
Еліміздің Бас прокуратурасы қазір күдікті Бектановтың ісі туралы жазба жариялады.
«2022 жылғы 19 ақпаннан бастап Бас прокуратура аталған тұлғаға қатысты сотқа дейінгі тергеп-тексеру амалдарын жүргізуде, күдіктінің әрекеті Қазақстан Республикасы Қылмыстық кодексінің 451-бабының 3-бөлігі «Қызметтік шектен шығу» делінген ҚР Бас прокуратурасының «ҚазАқпарат» агенттігінің ресми сауалына берген жауабында.
Осы бапқа сәйкес, ұрыс жағдайында билікті асыра пайдалану – мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, жеті жылдан он бес жылға дейінгі мерзімге бас бостандығынан айыруға жатады.
Бас прокуратура тергеу мүддесіне сай басқа ақпарат жария етілмейтінін атап өтті.
Бұған дейін хабарлағанындай, бұрынғы Қорғаныс министріне қатысты қызметтегі әрекетсіздік фактісі бойынша ҚР Қылмыстық кодексінің 452-бабы бойынша сотқа дейінгі тергеу басталған болатын.
Қазақстан Республикасының Президенті Қасым-Жомарт Тоқаев мәлімдегендей, қаңтар оқиғасы кезінде еліміздің Қарулы Күштері өзіне сенімсіздік пен бастамашыл басшылықтың жоқтығынан өздеріне жүктелген міндеттерді абыроймен атқара алмады.
«Министр Бектанов қолбасшылық қасиет көрсетпеді. Қолымызда командалық-штабтық және әскери оқу-жаттығулар кезінде жақсы нәтиже көрсеткен армия бола тұра, біз қиын жағдайда оның әлеуетін пайдалана алмай, сырттан көмекке жүгінуге мәжбүр болдық» деді Мемлекет басшысы ҰҚШҰ бітімгершілік контингентін тарту туралы сөзінде.
