USD
КИЕВ. 8 мамыр. Атқан оғы Қырым көпіріне дейін еркін жете беретін америкалық реактивті жүйелер Украинаға әкелінді. Бұл туралы DonPress хабарлады.
«АҚШ-тың залппен атылатын реактивті жүйелері Украинаға келіп қойды», – делінген хабарламада.
Шынында да, M142 HIMARS және M270 MLRS қондырғылары украин жерінен Қырым көпіріне дейін емін-еркін жете береді – бұл жүйелер ракеталарының ұшу қашықтығы 300 шақырымды беймалал қамтиды.
Украин қорғаушыларының енді оларды іске қосулары ғана қалды. Осы мақсатта жақында бір топ әскери қызметкерлер АҚШ-тың Германия жеріндегі «Рамштейн» әскери базасында оқып қайтты.
Еуропа әскери сарапшылары осы күні Украинаның шығыс беткейінің картасын жариялады.
Украин армиясы, делінген хабарламада, жаудан Циркунды тартып алып, Харьковтың солтүстігіндегі аралық аймақты кеңейте түсті. Қазір Северный Донец өзенінің шығысы мен Изюмнің батыс жағында кескілескен ұрыс жүріп жатқаны хабарланды.
Украина Қарулы күштері нығайтылған позициясына қарай шегінгесін РФ-ның көптеген аптаға созылған шайқастардан кейін Попаснаяны өз бақылауына алғаны айтылып жатыр. Оларға сондай-ақ Нижныйды басып алған соң Тошковканың шетіне жетудің орайы келді, ал Рубежный үшін соғыс әлі жүруде.
Бүгін сонымен қатар Украин әскерлерінің Запорожье облысында қарсы шабуылға шығатыны баяндалды. Оны Запорожье облыстық әскери әкімшілік мағлұм етті.
Жалпы, шетелдік әскери сарапшылар Украина армиясяның жақын арада Харьков облысында да қарсы шабуылды үдетіп, оккупанаттарды шекара шебінен асыра қуып тастауға мүмкіндігі бар екенін айтып отыр.
Көп нәрсе ертеңгі күнге, яғни Путиннің 9 мамыр күні қандай шешім қабылдайтынына байланысты. Егер ол Украина ресми түрде «соғыс жарияласа», Украина қарулы күштері Ресейдің территориясына да емін-еркін шабуыл жасай алатын болады.
