Бұрынғы Қорғаныс министрі Мұрат Бектанов қамауға алынды

АСТАНА. 20 ақпан. Бұған дейін Президенттің сынына ұшырап, қызметінен босатылған бұрынғы Қорғаныс министрі Мұрат Бектанов енді қамауға алынды. Бұл туралы «Экспресс К» хабарлады.

Ол «Қылмыстық-процестік кодексінің» 128-бабына сәйкес уақытша ұстау оқшаулағышына қамалды»

19 ақпанда аталған дерек бойынша Бас прокуратура Қылмыстық кодекстің 452-бабы (билік органдарының әрекетсіздігі) бойынша сотқа дейінгі тергеп-тексеруді бастады.

Бұған дейін Мемлекет басшысы «Қаңтар оқиғасы» кезінде Қарулы күштер өзіне сенімсіз әрі қабілетсіз басшылығының кесірінен жүктелген міндеттерді тиісті деңгейде атқара алмағанын, Қорғаныс министрі Мұрат Бектановтың командирлік қабілет көрсете алмағанын сынған болатын.