USD
ТУРИН. 16 тамыз. Туриннің «Ювентус» футбол командасы биылғы жаздың өзінде-ақ белгілі шабуылшы Криштиану Роналдумен қош айтысып қалуы әбден мүмкін. Бұл туралы «Marca» газеті хабарлады.
Басылым хабарлағандай, клуб мұндай шешімнің болып қалуы ықтимал екенін ашып айтып отыр. Бұған команданың қаржы қиындығы тікелей себепкер болмақ. Форвардтың кетуі клубты жыл сайын оған жалақы ретінде төленіп тұратын 31 млн еуро көлеміндегі қаржының үнемделуіне әсер етеді.
Бұдан бөлек, басылым Роналдудың өзінің «Юваентустан» кетуге ықтиярлы болып жүргенін атап өтеді. Ол өткен маусымның соңында Мадридтің «Реал» командасымен келісімге келіп үлгерген сияқты. Демек, оның Карло Анчелоттидің қарауында ойнап қалуы ғажап емес.
