Шешен жазушысы «Аватар» авторлығына таласып жатыр
ГРОЗНЫЙ. 14 маусым. Шешен жазушысы Руслан Закриев «Аватардың» авторлығына таласып жатыр. Бұл туралы «Известия» газеті хабарлады.
Шешенстаннан шыққан фантаст осымен үшінші мәрте әйгілі «Аватар» фильмінің желісінде өзінің үлесі бар екенін білдіріп, ондағы авторлығын қорғап қалуға әрекет етуде. Ол режиссер Джеймс Кэмеронның осы аттас картинасы өзінің желісі бойынша түсірілген деп есептейді.
Осыған байланысты Закриев фильмді 2009 жылы ұсынған 20th Century Fox International компаниясының ресейлік өкілдігі үстінен сотқа талап-арыз берді. Ол «Аватар» лентасының сюжеті өзінің 2002 жылы жарық көріп, интернет бетінде жарияланған «Құпия қару» деген романынан алынғанына сенімді.
Мәскеудің Хамовничий аудандық соты 15 маусым күні Закриевтің талап-арызын қарайды. «Бұдан бұрын ондағылар біздің талап-арызымызды қараудан бас тартқан еді, бірақ біз бұл шешімді Мәскеу қалалық сотыда бұзғыздық, енді сот істі қарайтын болды», – деді жазушының адвокаты Дмитрий Казацкер. Ол талап-арыз өкілдерінің процеске Джеймс Кэмеронның жеке өзін тартуды талап ететіндерін де ашып айтты.
Закриев бұған шекті екі рет Кэмеронды жауапқа тарттыруға әрекет жасап көрді. Жазушы 2015 жылы Ставрополь өлкелік сотына шағымданды, 2019 жылы Шешенстан сотына шықты. Алайда, екі ретінде де соттар бұдан бас тартты.
«Аватар» фильмі прокатқа 2009 жылы шықты. Бюджеті 237 млн долларды құраған картина әлем прокатынан 2,7 млрд доллар пайда тауып, он жыл бойы ақша жинау жағынан көш басын бермей тұрды. Оны тек 2019 жылы ғана «Кекшілдер: Финал» фильмі ығыстырып шығарды.
