Вирус жұқтырғандар қатарына тағы 18 адам қосылды

АСТАНА. 5 сәуір. Қазақстанда бүгін түс ауа тағы 18 адам коронавирус инфекциясын жұқтырып, барлық аурулар қатары 569-ға жетті. Бұл туралы coronavirus2020.kz сайтына сілтеме жасаған rast.kz хабарлады.

Бұлардың арасында Алматы қаласынан – 5, Түркістан облысынан – 4, Қарағанды облысынан – 4, Ақмола облысынан – 3, Атырау облысынан – 1, Қызылорда облысынан 1 адам бар.

Сонымен, соңғы тәулік ішінде «тентек тұмауға» тап болғандар қатары 69-ға жетті. Елімізде коронавирустың дәл мынадай «жарқылы» бұрын болған жоқ. Бұл – антирекорд!

Осы 69 дерек облыстар арасында былайша бөлінді: Жамбыл облысында – 19, Астана қаласында – 17, Түркістан облысында – 6, Алматы қаласында – 6, Қызылорда облысында – 5, Қарағанды облысында – 5, Ақмола облысында – 4, Ақтөбе облысында – 3, , Шымкент қаласында – 1, Алматы облысында – 1, Шығыс Қазақстан облысында – 1, Атырау облысында 1 оқиға орын алды.

Ал 596 оқиғаның облыстарға бөлінісі мынадай:

Астана қаласы – 219, Алматы қаласы – 115, Қызылорда облысы – 31, Қарағанды облысы – 31, Түркістан облысы – 29, Жамбыл облысы – 28, Солтүстік Қазақстан облысы – 25, Атырау облысы – 23, Ақмола облысы – 23, Шымкент қаласы – 13, Ақтөбе облысы – 10, Алматы облысы – 10, Шығыс Қазақстан облысы – 5, Маңғыстау облысы – 3, Батыс Қазақстан облысы – 2, Павлодар облысы – 1, Қостанай облысы – 1.