Төтенше жағдай сәуірдің соңына дейін созылады

АСТАНА. 10 сәуір. Қазақстанда Төтенше жағдай режимі сәуірдің соңына дейін ұзартылатын болды. Бұл туралы zakon.kz хабарлады.

Мәселе бүгін Президент Қасым-Жомарт Тоқаевтың төрағалығымен өткен Төтенше жағдай жөніндегі мемлекеттік комиссияның отырысында қозғалды. Оны Президенттің баспасөз хатшысы БерікУәли Facebook-тағы парақшасында атап өтті.

Комиссия отырысына облыстар мен республикалық маңызы бар қалалардың әкімдері, сондай-ақ, мемлекеттік органдар мен құқық қорғау құрылымдарының басшылары бейнебайланыс режимі арқылы қатысты.

«15 сәуірде төтенше жағдай режимі туралы Жарлығымның мерзімі аяқталады. Төтенше жағдай режимін, кем дегенде, сәуірдің аяғына дейін созуға тура келетіні қазірдің өзінде түсінікті болып отыр. Біз коронавируспен ауырудың шарықтау шегін әлі өткізген жоқпыз. Індетке қатысты жағдайды жеңілдетуге болмайды. Осы себепке байланысты карантин режимін елордада, Алматы мен Шымкентте және тиісті облыстарда сәуірдің аяғына дейін созуды тапсырамын. Мұның оңтайлы шешім емес екенін түсінемін. Өйткені халық көшеге шығып, қалыпты тұрмысын жалғастырғысы келеді. Бірақ карантин режимін сақтаудан, оқшауланудан басқа жол. Бұл отандық және халықаралық вирусолог мамандардың ұсынысы», – деп атап өтті Мемлекет басшысы өз сөзінде