USD
Ақмола облысында шілденің 23-і күні тағы бір инспектор браконьерлердің оғынан опат болды. Бұл туралы Tengrinews хабарлады.
Оқиға облыстың Жарма ауданының аумағында орын алған. Күндізгі сағат 11:00 шамасында «Охотзоопром» республикалық мекемесіне Ақмола тірек пунктінен хабар түседі. Онда мекеменің облыстық бөлімшесіндегі екі инспектордың ақбөкен атып жүрген браконьерлердің соңына түскендері айтылады. Бірақ олар атыса жүріп, қашып кетеді. Браконьерлер мінген «Нива» көлігінің мемлекеттік нөмірі көрінбейді.
Табиғат заңын бұзушылардың атқан оғынан екі инспектор да жарақат алып, ауруханаға түседі. Олардың кеудесінен оқ алған біріншісі аурухана төсегінде қайтыс болады.
«Ауруханаға келгенше көз жұмды. 1976 жылы туған ер адам. Оның кеудесіне тиген оқ тесіп шыққан. Екіншісі ауруханаға жатқызылды. Оның диагнозы – сол жақ кеуде қуысының алдыңғы бөлігінің, сол жақ иық сүйегінің жоғарғы үштен бір бөлігінің оқ тиген», – деді әкімдік аппаратының өкілдері.
Ақмола облысының Денсаулық сақтау басқармасында бір инспектордың қайтыс болғанын растады.
Браконьерлер қолынан қаза тапқан «Охотзоопром» инспекторы – 43 жастағы Қаныш Нұртазинов болған. Оның төрт баласы қалды.
Нұртазинов Қаныш Серікұлы 1976 жылы 24 қаңтарда туған. Ол 2016 жылдың 5 қаңтарында «Охотзоопром» ӨБ» РМҚК жұмысқа қабылданған. Оның отбасында жұбайы мен төрт баласы – үш қызы мен 2011 жылы туған ұлы қалды. Қаныш Ұлытау ауданы Қоскөл ауылында тұрды.
Екінші жараланған инспектор Самат Оспанова Державин қаласының аудандық ауруханасында ота жасалып жатыр, оған санавиация шақырылған.
23 шілдеде сағат 11.00-де Ақмола облысы Жарқайың ауданының аумағында Ақмола тірек пунктінің «Охотзоопром» инспекторлары ақбөкенді ату фактісін анықтады.
«Ауруханаға келгенше көз жұмды. 1976 жылы туған ер адам. Оның кеудесіне тиген оқ тесіп шыққан. Екіншісі ауруханаға жатқызылды. Оның диагнозы – сол жақ кеуде қуысының алдыңғы бөлігінің, сол жақ иық сүйегінің жоғарғы үштен бір бөлігінің оқ тиген», – деді әкімдік аппаратының өкілдері.
Ақмола облысының Денсаулық сақтау басқармасында бір инспектордың қайтыс болғанын растады.
«Зардап шеккендердің біріне «кеуде тұсынан оқ тию» диагнозымен дәрігерлер келгенге дейін көз жұмды, жүргізілген реанимациялық іс-шаралар сәтсіз болды. Екінші инспектор кеуде тұсынан жарақат алған Державинск аудандық орталық ауруханасына жеткізілді. Келіп түскен сәтте науқастың жағдайы ауыр болды, бірақ тұрақты. Көкшетаудан құрамында хирург, анестезиолог және медбике бар санавиация бригадасы ұшып шықты», – деді басқарма мамандары.
Жансая НҰРҚОЖА
