USD
МӘСКЕУ. 23 маусым. Ресейлік жас келіншек РФ диктаторы Владимир Путинге: «Сіз ұрысыз және кісі өлтірушісіз. Сізді жұрттың бәрі жек көреді» дегенді ашып айтты. Бұл туралы әлеуметтік желі деректеріне сүйенген rast.kz хабарлайды.
«Сіз ұрысыз және кісі өлтірушісіз. Барлығы сізді жек көреді. Сіз орныңыздан босатуыңыз керек», – деген әйел ел басшысының Ресейден де кетуін талап талап етті. «Сіздің елден тонаған, жинап алған ақшаңыз бүкіл ұрпағыңызға жетеді ғой, елдің алаңсыз тақырға отырғызбай тұрғанда, кетіңіз арамыздан», – деді ол сосын.
Бүгін әлеуметтік желілерде Путинді кісі өлтіруші деп атаған, оны Украинаға қарсы соғыс жасады деп айыптаған арнау арнаған ресейлік әйелдің видеосы таратылды. Онда батыл әйел Ресей Федерациясына ешкімнің де шабуыл жасамағанын, ал еркектердің ресейліктерге қажет емес бөтен жер үшін босқа өліп келгендерін, мұның әрбір отбасы үшін орны толмас қайғы мен қасірет әкеліп жатқанын баяндады.
«Біздің халық сізді сыйламайды. Сіздің емес, біздің халық. Сіз ұрысыз және кісі өлтірушісіз. Жұрттың бәрі сізді жек көреді. Сіз біздің елімізді толығымен жойып біттіңіз. Бізге ешкім шабуыл жасаған жоқ. Бізге соғыс қажет емес, бізге бөгденің жері де керек емес. Енді қарақшыларыңызды жинап алыңыз да, елден тайып тұрыңыз!», – деді ол.
Тіпті жалпы жұрттың Путинді қазір сынға алып жатқанына қарамастан, мынадай ашық сипатта қатқыл сөз айту қазір Ресей қоғамында бұрын-соңды болмаған жаңа құбылыс ретінде қарастырылып жатыр.
Жас келіншек өзінің үндеуінде Путинді елді әбден күйретіп, күйзеліске түсіргені, жемқорлықтың жайлағаны және ресейліктердің майдан даласында бостан босқа қырылып жатқандары үшін айыптайды. Оның айтуынша, ресейліктер әкелерін, күйеулерін және ұлдарын ешкімге керек емес «бір сүйем» жер үшін жоғалтып алып жатыр. Ол Путиннің тегі орыс екеніне де күмән келтіріп, Ресей жерін еврейлер үшін босатып беруде деген ой білдіреді.
Әлеуметтік желіні пайдаланушылар мұндай видеолардың Кремль үшін дабылды қоңырау болып табылатынын атап өтті. Мәскеуге қайта-қайта соққы беріле бастағаннан кейін, жанар-жағар май проблемаларынан кейін, Қырымдағы босап қалған дүкендер сөрелерінен кейін елдің ішіндегі үрей мен қорқыныш дабылы барған сайын артып келеді. Ол соғысты өздеріне қатысы жоқтай көріп жүрген шовинистер қауымын жерге түсіріп, мұның бәрі ақыры өздерін іздеп табатынын аңғартып қалған сияқты.
