Қазақстанда вирустан тағы екі адам көз жұмды

АСТАНА. 14 сәуір. Бүгін таңертең Қазақстанда коронавирус індетінен тағы 2 адамның көз жұмғаны белгілі болды. Бұл туралы coronavirus2020.kz сайтына сілтеме жасаған rast.kz хабарлады.

Вирустан жантәсілім еткендер Астана және Шымкент қалаларының тұрғындары болып шықты. Сонымен коронавирустан қайтыс болғандар саны 14-ке жетті. Олар мына аймақтарда тіркелді: Ақмола облысы – 4, Алматы қаласы – 2, Астана қаласы – 2, Шымкент қаласы – 2, Қарағанды облысы – 1, Түркістан облысы – 1, Павлодар облысы – 1, Шығыс Қазақстан облысы – 1.