USD
АСТАНА. 15 сәуір. Астана уақыты бойынша 17:25 сағатта елімізде коронавирус инфекциясын жұқтырғандар саны 1290-ға жеткені белгілі болды. Бұл туралы coronavirus2020.kz сайтына сілтеме жасаған rast.kz хабарлады.
Бүгін түстен бері тағы 15 адамнан ауру шықты. Олар мына қалалар мен аймақтардан шықты: Алматы қаласы – 10, Астана қаласы – 3, Қызылорда облысы – 1, Алматы облысы – 1.
Қазіргі сағатта еліміздегі эпидемиологиялық ахуал мынадай: Алматы қаласы – 380, Астана қаласы – 297, Қызылорда облысы – 127, Қарағанды облысы – 81, Ақмола облысы – 80, Атырау облысы – 70, Жамбыл облысы – 49, Түркістан облысы – 49, Шымкент қаласы – 40, Солтүстік Қазақстан облысы – 26, Алматы облысы – 25, Батыс Қазақстан облысы – 18, Ақтөбе облысы – 13, Маңғыстау облысы – 12, Павлодар облысы – 11, Шығыс Қазақстан облысы – 8, Қостанай облысы – 5.
Осы кезге дейін республика бойынша 240 адам жазылып шықты. Олар мыналардың үлестеріне тиеді: Астана қаласынан – 136, Алматы қаласынан – 60, Атырау облысынан – 12, Ақмола облысынан – 8, Алматы облысынан – 7, Қызылорда облысынан – 4, Жамбыл облысынан – 3, Шымкент қаласынан – 2, Ақтөбе облысынан – 2, Солтүстік Қазақстан облысынан – 1, Павлодар облысынан – 1, Қарағанды облысынан – 1, Батыс Қазақстан облысынан – 1, Маңғыстау облысынан – 1.
Бүгін коронавирустан Қостанай облысында 1945 жылы туған пациент қаза болды.
Сонымен, қаралы жағдайдың саны 15-ке жетті. Бұлар Ақмола облысында (4), Алматы қаласында (2), Астана қаласында (2), Шымкент қаласында (2), Қарағанды облысында (1), Түркістан облысы (1), Павлодар облысы (1), Шығыс Қазақстан облысы (1), Қостанай облысында (1) тіркелді.
