Қазақстанда әуе қатынасы қалпына келтіріле бастайды

АСТАНА. 1 мамыр. Алдағы дүйсенбі, мамырдың 4-нен бастап Астана мен Алматыдан Қызылордаға, Өскеменге, Семейге және Петропавлға әуе рейстері қайта қалпына келтіріле бастайды. Бұл туралы zakon.kz хабарлады.

«Мемлекет басшысының тапсырмасын орындау аясында төтенше жағдай режимін қамтамасыз ету жөніндегі мемлекеттік комиссия ҚР Денсаулық сақтау министрлігінің ұстанымын ескере отырып, ағымдағы жылдың 4 мамырынан бастап Нұр-Сұлтан және Алматы қалаларынан Қызылордаға, Өскеменге, Семейге және Петропавлға әуе қатынастарын қайта жандандыру туралы шешім қабылдады», – делінген хабарламада.

 Әуе компаниялары рейстерді төмендегі кестеге сай орындауды жоспарлап отыр:

 «Эйр Астана»

1. Алматы (13:55) – Қызылорда (14:40);

Қызылорда (15:40) – Алматы (18:10);

Алматы (12:10) – Қызылорда (13:40);

Қызылорда (14:40) – Алматы (17:10).

Embraer 190 (108 орын) және А320 (148 орын).

2. Алматы (12:15) – Өскемен (13:45);

Өскемен (14:45) – Алматы (16:20).

3. Астана (14:50) – Өскемен (16:15);

Өскемен (17:15) – Астана (18:45);

Астана (15:10) – Өскемен (16:35);

Өскемен (17:35) – Астана (19:00);

Астана (15:20) – Өскемен (16:45);

Өскемен (17:45) – Астана (19:10).

«SCAT»

1. Астана (15:40) – Өскемен (17:10);

Өскемен (18:10) – Астана (19:35);

Астана (15:50) – Өскемен (17:10);

Өскемен (22:30) – Астана (23:59) 7 CRJ-200/50 орын.

2. Алматы (09:20) – Өскемен (10:30);

Өскемен (11:30) – Алматы (12:45) 7 Б 737/144 орын.

3. Алматы (07:00) – Петропавл (09:20);

Петропавл (10:10) – Алматы (12:20);

Алматы (07:00) – Петропавл (09:20);

Петропавл (16:30) – Алматы (18:50) 3 CRJ-200/50 орын

«Qazaq Air»

1. Астана (13:40) – Өскемен (15:20);

Өскемен (16:00) – Астана (17:45).

Bombardier Q400/76-86 орын

2. Астана (08:30) – Петропавл (09:40);

Петропавл (10:10) – Астана (11:25);

Астана (10:05) – Петропавл (11:15);

Петропавл (11:55) – Астана (13:05).

3. Астана (14:30) – Қызылорда (15:20);

Қызылорда (16:00) – Астана (18:50);

Астана (15:30) – Қызылорда (16:20);

Қызылорда (17:00) – Астана (19:50).

4. Астана (15:00) – Семей (16:35);

Семей (17:05) – Астана (18:40).

Ұшу кестесін әуе компаниялары реттей алады.

Ұшулар Денсаулық сақтау министрлігінің көліктегі бас санитарлық дәрігері бекіткен санитарлық талаптардың күшейтілген нормаларын сақтай отырып, жүзеге асырылады. Олардың негізгілері мыналар:

– жолаушыларда COVID-19 тестінен өткені және оның нәтижесі теріс болғаны туралы анықтама болуы қажет (анықтаманың қолданылу мерзімі – берілген күннен бастап 7 күн);

– жеке қорғаныс құралдарын пайдалану (бетперделер, қолғаптар);

– термометрия, әлеуметтік қашықтық сақтау;

– әуежайлар мен әуе кемелерін күшейтілген негізде залалсыздандыру.

Санитарлық қауіпсіздік талаптары бойынша аталған рейстердің борттарында тамақ берілмейді.

Қазақстан әуе компаниялары күрделі жағдайды ескере отырып, билеттер құнын сатып алу күні мен уақытына байланысты 10 мыңнан 30 мың теңгеге дейінгі аралықта белгіледі.

Алдағы уақытта жағдай жақсарған кезде ішкі рейстер санын және әуе кемелерінің сыйымдылығын арттыру мәселесі қарастырылады.

Денсаулық сақтау министрлігінің ақпараты бойынша коронавирустық инфекцияға тесттер ақылы негізде осы бағыттар бойынша ұшатын азаматтардың қаражаты есебінен жүзеге асырылады. Оларды «Ұлттық сараптама орталығы» ШЖҚ РМК филиалдарында, «Олимп» КДЗ-да және Қазақстанның тиісті қалаларындағы «INVIVO» зертханаларында өткізуге болады