USD
АСТАНА. 25 сәуір. Президент Қасым-Жомарт Тоқаев Қазақстанда қазақ тілі болашақта этносаралық қатынас тіліне айналатынына сенімді екенін мәлімдеді. Бұл туралы inbusiness.kz ақпарына сүйенген rast.kz хабарлайды.
Мемлекет басшысы бүгін Қазақстан халқы ассамблеясының ХХХІІІ сессиясын сөйлеген сөзінде осындай тұжырым айтты.
«Тіл – көптеген мемлекет үшін өзекті мәселенің бірі. Осы мәселенің дұрыс шешілуі кез келген елдегі қоғамдық-саяси ахуалдың тұрақтылығына едәуір ықпал ететінін тарихтың өзі көрсетіп отыр. Қазақстанда да солай. Біз осы аса шетін мәселеге келгенде сыртқы-ішкі факторларды ескере отырып, стратегиялық ұстамдылық және толеранттық танытуымыз қажет. Бірақ бұл біздің мемлекеттік тілді жан-жақты дамытуға баса назар аударатынымызды жоққа шығармайды. Мен қазақ тілі уақыт өте келе этносаралық қатынас тіліне айналатынына сенімдімін», –деді Қасым-Жомарт Тоқаев.
