USD
АСТАНА. 31 қаңтар. Мемлекет басшысы Қасым-Жомарт Тоқаевтың Жарлығымен Ерболат Досаев Алматы қаласының әкімі болып тағайындалды. Бұл туралы rast.kz хабарлады.
«Ерболат Асқарбекұлы Досаев Алматы қаласының әкімі болып тағайындалсын, ол Қазақстан Республикасы Ұлттық банкінің Төрағасы лауазымынан босатылсын»,– делінген Жарлық мәтінінде.
Ерболат Досаев 1970 жылы Алматы қаласында туған.
1987 жылы Алматы қаласындағы республикалық физика-математика мектеп-интернатын, .
Алматы энергетикалық институтын, Бауман атындағы Мәскеу мемлекеттік техникалық университетін бітірген.
Еңбек жолдары:
1993-1994 жылдары «Іскер» МНПП менеджері;
1994 жылы «Вега» ШК директорының орынбасары;
1994-1996 жылдары «Акцепт» фирмасы» ЖШС директорының орынбасары, директоры;
1996-1997 жылдары «Акцепт» корпорациясы» ЖТАҚ директоры, бірінші вице-президенті, бас директоры;
1997 жылы «Тұран Әлем Банкі» ЖАҚ басқарма төрағасының орынбасары, «АТФ Банк» ЖАҚ басқарма төрағасы лауазымын атқарған;
1998 жылы Премьер-Министрдің кеңесшісі қызметін атқарған;
1998 жылы Энергетика, индустрия және сауда вице-министрі лауазымын атқарған;
2000 жылы – Қаржы вице-министрі;
2001 жылы Қазақстан Даму банкі Директорлар кеңесінің төрағасы болған;
2001–2003 жылдары Табиғи монополиялар, бәсекелестікті қорғау және шағын бизнесті қолдау агенттігінің төрағасы ретінде қызмет атқарған;
2003–2004 жылдары – Қаржы министрі; Қазақстандағы Еуропалық қайта құру және даму банкінің басқарушысы; Ұлттық Банкінің басқарма мүшесі;
2004–2006 жылдары – Денсаулық сақтау министрі;
2006–2012 жылдары «Қазинвестбанк» АҚ Директорлар кеңесінің төрағасы;
2012 жылғы 25 қыркүйектен бастап – Экономикалық даму және сауда министрі;
2013 жылғы 16 қаңтардан бастап – Экономика және бюджеттік жоспарлау министрі;
2014 жылғы 6 тамызда Ұлттық экономика министрі болып тағайындалды;
2015 жылғы 30 сәуірде Ұлттық экономика министрі болып қайта тағайындалды;
2016–2017 жылдары – «Бәйтерек» ұлттық холдингінің басшысы;
2017 жылғы 29 тамызда Премьер-Министрдің орынбасары болып тағайындалды.
2017 жылғы 29 қарашада «Бәйтерек» ұлттық басқарушы холдингі» акционерлік қоғамы Директорлар кеңесінің құрамына сайланды.
2019 жылдың 25 ақпанында Ұлттық банк төрағасы болып қызмет атқарып келді.
Ерболат Досаевқа дейін Алматы әкімі қызметін Бақытжан Сағынтаев атқарды. Сағынтаев бұл қызметке 2019 жылдың 28 маусымында тағайындалған еді.
