«Халық үніне құлақ асатын мемлекет» тұжырымдамасы баян етілді

НҰР-СҰЛТАН. 17 ақпан. Бүгін #ANTIKOR.LIVE жобасы аясында тікелей эфирде Нұр-Сұлтан қаласы Сарыарқа ауданының әкімі Есет Байкен мен Нұр-Сұлтан қаласы бойынша Сыбайлас жемқорлыққа қарсы іс-қимыл департаменті басшысының бірінші орынбасары Бақытжан Ниязов аудан әкімдігінде жүргізіліп жатқан жұмыстар мен биылғы жылға жоспарланған іс-шаралар туралы онлайн диалог өткізді. Бұл туралы Сыбайлас жемқорлыққа қарсы іс-қимыл қалалық департаменті баспасөз қызметінің дерегіне сүйенген rast.kz хабарлады.

Эфир барысында әкім «Халық үніне құлақ асатын мемлекет» тұжырымдамасы аясында жүргізіліп жатқан жұмыстар туралы айтып берді.

Сарыарқа ауданы алғашқылардың бірі болып «OPEN AKIMAT» форматында қызмет көрсетудің сервистік үлгісіне көшті, онда тұрғындарға «бір терезе» қағидаты бойынша қызмет көрсетіледі.

Айта кету керек, 2020 жылы «OPEN AKIMAT» 9 сұранысқа ие сала бойынша 15 мыңнан астам адам жүгінген.

Халық арасында ең өзекті мәселелер азаматтық хал актілерін тіркеу, тұрғын үй, жұмыспен қамту және тағы басқалар болды.

Есет Байкен әкімдік халықпен әлеуметтік желілер мен мессенджерлерде белсенді жұмыс жүргізіп жатқанын айтты. 2020 жылы барлығы 5 мыңнан астам сұрақ қабылданды және өңделді (ватсап – 2632, әлеуметтік желілер және жеделхаттар – 2480).

Сондай-ақ апта сайын, әр сенбі күні әкім фейсбукте тікелей эфирлер өткізеді.

«Сонымен қатар, халықпен кері байланыс орнату үшін әкімдік сайтында жеке whatsApp нөміріне сілтеме жасай отырып, әкімнің блогы іске қосылды, онда аудан тұрғындары тәуліктің кез келген уақытында өз сұрақтарын қоя алады», – деп мәлімдеді спикер.

Осылайша жеке қабылдаулар мен өтініштер кезінде тұрғындар көтерген негізгі мәселелердің бірі әлеуметтік көмек көрсету болып табылады. 2020 жылы әлеуметтік көмек көрсету желісі бойынша төмендегі жұмыстар жүргізілді:

– 2020 жылы 9 400-ден астам отбасына түрлі әлеуметтік көмек көрсетілді және 1 613 отбасына жалпы сомасы 725 млн.теңгеге атаулы әлеуметтік көмек төленді.

Эфир барысында Есет Байкен «Астана – адалдық алаңы» жобасы аясында аудан әкімдігі алғашқылардың бірі болып «Бюджетке қатысу» пилоттық жобасын енгізгенін, оның көмегімен азаматтар жергілікті бюджеттен қаланы абаттандыру объектілерін анықтау бойынша өз идеяларын ұсынатынын айтты.

8 ақпанда «Бюджетке қатысу» жобасына өтінімдер қабылдау басталды. Қазіргі уақытта 5 өтінім келіп түсті.

Тікелей эфирде аудан әкімі барлығын белсенді қатысуға шақырды. Толық ақпарат «Сарыарқа» ауданы әкімдігінің ресми сайтында жарияланды www.saryarka.astana.kz «Бюджетке қатысу» айдарында.

Өтінімдерді қабылдау ағымдағы жылдың 8 наурызына дейін жүргізіледі.

Сондай-ақ, эфир барысында Есет Байкен «Сарыарка» әкімдігінің 2020 жылы атқарған жұмысы және ағымдағы жылға арналған жоспарлары туралы айтып берді.

Диалог барысында жер учаскесін ресімдеуге және пәтер иелерінің кооперативі қызметіне және т.б. қатысты желі пайдаланушыларының сұрақтарына жауаптар берілді.