USD
ДАККА. 13 қазан. Бангладеш үкіметі сексуалдық сипаттағы зорлық-зомбылыққа қарсы бұрын-соңды болмаған бүкілхалықтық наразылықтардан кейін заңға енгізілген өзгерістерді мақұлдады. Бұл туралы «Әл Жәзира» телеарнасы хабарлады.
«Бангладештегі парламент ғимаратының алдында әйелдер бұл елде зорлаудың көбеюіне наразылық білдіруде. Ел үкіметі зорлық-зомбылық жағдайларында өлім жазасына кесуге мүмкіндік беретін түзетуді мақұлдады. Түзету премьер-министрдің төрағалығымен өткен министрлер кеңесінің апта сайынғы отырысында мақұлданды», деп баяндады телеарна.
Заң жобасында зорлауға қатысы бар деп танылған кез келген адам өлім жазасына немесе «тәртібі қатаң түрмеге қамауға» кесіледі делінген. Қазіргі жағдай зорлық үшін барынша жоғары жаза белгілеуді назарда ұстатады. Президент жаңа ереженің күшіне енгенін хабарлайды деп күтілуде.
170 миллион халқы бар ел оңтүстіктегі ең алыс ауылда бір топ ер адамның жыныстық шабуыл жасау оқиғасы орын алған соң бұрын-соңды болып көрмеген наразылық танытқан. Полиция жәбірленуші түсірілген суреттер мен бейнежазбалар арада бір айдан аса уақыт өткенде Интернетте тарала бастағаннан кейін ғана сегіз күдіктіні қамауға алған.
