Коронавирус: Ауырғандардың жалпы саны 107 307 болды

АСТАНА. 21 қыркүйек. Өткен түнде Қазақстанда коронавирус індетін жұқтырғандар саны 62 адам болып, олардың жалпы саны 107307-ге жетті. Бұл туралы coronavirus2020.kz сайтына сүйенген rast.kz хабарлады.

Тәулікте тіркелген 62 сырқат адамдар аймақтарда былайша бөлініске түсті:

Шығыс Қазақстан облысы – 18, Астана қаласы – 6, Қарағанды облысы – 4, Солтүстік Қазақстан облысы – 4, Алматы қаласы – 3, Атырау облысы – 2, Батыс Қазақстан облысы – 2, Қостанай облысы – 2, Павлодар облысы – 1, Түркістан облысы – 1.

Тәулікте Шымкент қаласынан, Алматы, Жамбыл, Ақмола, Маңғыстау, Қызылорда және Ақтөбе облыстарынан кесел тіркелген жоқ.

Тамыз айында елімізде 31 148 науқас есепке алынды, 26 709 адам осы сырқаттан жазылып шықты, 344 адам қайтыс болды.

Ал індет басталғалы бері Қазақстанда 107 307 адам коронавирус шырмауына түсіп қалса, 101 941 адам сол індеттен емделіп, қатарға қосылды, 1671 адам жантәсілім етті.

Есепті кезеңдегі елдегі жалпы эпидемиологиялық ахуал мынадай:   

1. Алматы қаласы – 14 349
2. Астана қаласы – 14 004
3. Атырау облысы – 11 047
4. Қарағанды облысы – 10 297
5. Шығыс Қазақстан облысы – 8 547
6. Батыс Қазақстан облысы – 6 840
7. Шымкент қаласы – 5 186
8. Алматы облысы – 4 947
9. Жамбыл облысы – 4 116
10. Солтүстік Қазақстан облысы – 4 051
11. Павлодар облысы – 3 890
12. Қостанай облысы – 3 465
13. Ақмола облысы – 3 460
14. Түркістан облысы – 3 366
15. Маңғыстау облысы – 3 337
16. Қызылорда облысы – 3 238
17. Ақтөбе облысы – 3 237