«Манчестер Юнайтед» Еуропа лигасы ширек финалына шықты
МӘСКЕУ. 6 тамыз. Англияның «Манчестер Юнайтед» командасының футболшылары Еуропа лигасының 1/8 финалында өз алаңында Австрияның ЛАСК командасын 2:1 есебімен жеңіп, ширек финалға шықты. Бұл туралы Interfax.ru хабарлады.
Матчтың 55-минутында австриялықтардан Филипп Визингер көзге түсті. Екі минуттан кейін «Манчестердің» ойыншысы Джесси Лингард таразы басын теңестірді. Ал 88-минутта Антони Марсьяль кездесудің соңғы нүктесін қойып, өз командасына жеңіс әперді.
Бұл командалардың Австрияда өткен бірінші ойынында МЮ 5:0 есебімен жеңіп қайтқан еді.
Кеше тағы бірқатар командалар шешуші ойындарын өткізді. Украинадағы Донецкінің «Шахтері» Германияның «Вольфсбург» командасын 3:0 есебімен ұтты. Олардың неміс жерінде өткен бірінші кездесуінде кеншілер командасы 2:1 есебімен жеңіске жеткен еді.
