USD
АСТАНА. 24 тамыз. Мемлекет басшысы Қасым-Жомарт Тоқаев Украина Президентіне құттықтау жеделхатын жолдады. Бұл туралы Ақорда баспасөз қызметінің дерегіне сүйенген rast.kz хабарлайды.
Қасым-Жомарт Тоқаев Володимир Зеленськийді Украина Тәуелсіздігінің 35 жылдығымен құттықтап, украин халқына бейбітшілік пен құт-береке тіледі.
Украина президентіне құттықтау жолдап жатқан мемлекеттер басшылары аз емес.
Ал Володимир Зеленськийдің өзі Украина тәуелсіздігінің 35 жылдығымен барша украиндарды құттықтады. Ол өзінің видеоүндеуінде былай деді: «Бұдан 35 жыл бұрын Украина өзінің тәуелсіздігін қалпына келтірді! Мерекелеріңізбен, ұлы елдің ұлы халқы! Украинаның Тәуелсіздігі құтты болсын! Украинаның даңқы арта берсін!» – деді президент.
Мемлекет басшысы соғыстың мерекені әдеттегідей қабылдаудан шығарып тастағанын баяндады. Украиндар үшін Тәуелсіздік күнін жариялаудың 35 жылдығы кең ауқымды соғыстың 1643-ші күні өтіп отыр. Президент халықтың ауыр шақтағы бірлігі нығая түскенін атап өтті.
