USD
КИЕВ. 10 тамыз. Украина Қарулы күштері Ресей президенті Владимир Путиннің «сарайы» орналасқан Геленджик аймағында әуе қорғанысы қаруларын жоюға кірісті. Бұл туралы The Moscow Times ақпарына сілтеме жасаған rast.kz хабарлайды.
Тамыздың 7-сінде нысанға жақын жерде орналасқан «Толқын Күмбез Кепіл» атты радиоэлектронды күрес жүйесіне күйрете соққы берілді, ал екі күннен кейін онымен қатар тұрған С-400 зенитті зымыран кешені қиратылды.
№ 2156 әскери бөлімнің территориясына орналасқан РЭБ қондырғысы жойылғанын спутниктік суреттер растап беріп отыр. «Толқын Күмбез Кепіл» 20 шаршы шақырым аумақты қамтып, Starlink спутниктік байланысының әсерін жоқ ету үшін қолданылады. Әскери талдаушы Ян Матвеевтің айтуынша, бұл жүйе дрондарға қарсы тиімді жұмыс істейді, бірақ оның кемшілігі де бар, ол көлемі «шағын әскери базаны» ғана қорғай алады және оны көктен оңай анықтауға болады».
РЭБ-тің жойылуы украин дрондарының С-400-ге 500 метр жерге дейін жақын келе алуларына жол ашты. Украина Қарулы күштері ұшқышсыз жүйелер күштерінің қолбасшысы Роберт Бровди («Мадяр») 9 тамызға қараған түні бірден 6 зымыран ұшырған зенитті-зымыран қорғаныс жүйесіне соққы бергенін айтты. С-400-дағы өрт үш сағатқа созылған. «Спутниктік түсірілім кем дегенде бір ұшыру қондырғысының жойылғанын көрсетеді… барлығы, енді Путиннің «сарайы» қорғаныссыз қалады», – дейді Матвеев.
Путиннің «сарайы» Қара теңіз жағалауында Геленджиктен 20 шақырым жерге орналасқан. Ауданы 17,7 мың шаршы метр болатын кешен сыбайлас жемқорлыққа қарсы қордың негізін қалаушы Алексей Навальныйдың тергеуінен кейін кеңінен жалпақ жұртқа танымал болды. Оның деректеріне сәйкес, нысан аумағында ғибадатхана, хоккей алаңы, кинотеатр, караоке-кальян, сыра, бильярд бөлмелері, бірнеше мейрамхана, бассейн, аквадискотека, СПА, сауналар, түрік моншасы, меншікті ет-балық, көкөніс және десерт цехтары, емдік балшық қоймасы, кітапхана, музыкалық қонақ бөлмесі, тікұшақ алаңы секілді нысандар бар.
«Сарайдың» үстінде ұшуға болмайтын аймақ орнатылған, ал тергеуде айтылғандай, оған іргелес 7 мың гектар жер ФСБ-ға тиесілі. ФБК кешенін салу құны кем дегенде 100 миллиард рубльді құрайды.
