USD
КИЕВ. 3 маусым. Украинадағы сот Ресей генералы Александр Лапинді сырттай өмір бойына бас бостандығынан айыру жазасына кесті. Бұл туралы «Настоящее время» ақпарына сүйенген rast.kz хабарлайды.
Украина соты Ресейдің запастағы генерал-полковнигі Александр Лапинді Украинаның аумақтық тұтастығы мен мүліктік меншігіне қол сұқты, сондай-ақ агрессивті соғысты дайындады, мәселе оны шешті және жүргізді деген айыппен өмір бойына бас бостандығынан айыруға үкім шығарды. Мұның жай-жапсарын Украинаның Бас прокуроры Руслан Кравченко баяндады.
Тергеу мәліметтері бойынша, Беларусь пен Ресей аумағынан Сумы, Чернигов, Киев облыстары мен Киевке шабуыл жасаған Ресей әскерлерін Александр Лапин басқарды.
«2022 жылдың ақпан-наурыз айларында бұл генерал «қағаз жүзінде» ресми командир болған жоқ. Ол шапқыншылықты тікелей ұйымдастырды, бағынышты бөлімшелердің жұмыстарын жоспарластырды және үйлестірді, бұйрықтар берді, ұрыс қимылдарының жалғасуын қамтамасыз етті», – делінген хабарламада.
Генералдың басшылығымен, атап өтілгендей, Ресей Федерациясының әскерлері Чернигов және Сумы облыстарында бірқатар елді мекендерді басып алып, Днепрдің сол жағалауындағы Киевке қарай жылжыды. Олардың мақсаты Украина астанасын, мемлекеттік органдарды, әскери басқаруды басып алуға және оккупациялық бақылау орнатуға негізделді.
«Біздің жерге соғыспен келген әрбір орыс командирі Ресейдегі лауазымы, атағы өзінің жазасыз кетуіне кепілдік бермейтінін түсінуі керек. Олардың әрбірі Украинаға жасаған агрессиясы үшін сөзсіз жауапкершілікке тартылады», – деді Кравченко.
Генерал Александр Лапин әр жылдары Сириядағы ресейлік әскерлер тобының штаб бастығы, «Орталық» және «Солтүстік» топтарының қолбасшысы болды.
Ол 2022 жылдың күзінде соғыстың алғашқы күндері Ресей әскерлері басып алған Красный Лиманды іс жүзінде беріп қойды деп өзін айыптаған Шешенстан басшысы Рамзан Кадыровпен жандалдасып қалды. Расында украин әскерлері қарсы шабуылға шыққан кезінде аталған облыстар жерлерін қайтарып алған еді. Ал 2025 жылдың қыркүйегінде әскер қатарынан босатылды.
