Қазақстанда коронавирус жұқтырғандар 859-ға жетті

АСТАНА. 11 сәуір. Астана уақыты бойынша 12:45 сағаттағы эпидемиологиялық жағдай Қазақстанда коронавирус кеселіне ұшырағандардың саны 859-ға жеткенін көрсетті. Бұл туралы coronavirus2020.kz сайтына сілтеме жасаған rast.kz хабарлады.

Бүгін таңертең 28 оқиға тіркелген еді. Енді оған тағы 19 жағдай қосылып отыр.

Бұлардың 9-ы – Алматы қаласынан, 5-і – Павлодар облысынан, 2-і – Астана қаласынан, 2-і – Шымкент қаласынан, 1-і Қарағанды облысынан шықты.

Қазіргі сағатта еліміздегі ахуал мынадай: Астана қаласы – 231, Алматы қаласы – 137, Қызылорда облысы – 116, Қарағанды облысы – 62, Ақмола облысы – 61, Атырау облысы – 59, Жамбыл облысы – 46, Түркістан облысы – 35, Шымкент қаласы – 33, Солтүстік Қазақстан облысы – 25, Ақтөбе облысы – 11, Алматы облысы – 10, Маңғыстау облысы – 9, Павлодар облысы – 9, Шығыс Қазақстан облысы – 6, Батыс Қазақстан облысы – 6, Қостанай облысы – 3.

Осы кезге дейін коронавирустан республика бойынша 81 адам жазылып шықты. Олардың 37-сі – Алматы қаласынан, 34-і  – Астана қаласынан, 3-і – Жамбыл облысынан, 2-і – Шымкент қаласынан, 1-і – Солтүстік Қазақстан облысынан, 1-і – Ақтөбе облысынан, 1-і – Павлодар облысынан, 1-і – Қарағанды облысынан.

Қайтыс болғандар саны – 10 (Ақмола облысы – 3, Алматы қаласы – 2, Астана қаласы – 1, Қарағанды облысы – 1, Түркістан облысы – 1, Шымкент қаласы – 1, Павлодар облысы – 1).