USD
БРЮССЕЛЬ. 11 мамыр. Еуропа одағы Ресей армиясы басып алған Украина территориясынан жас балаларды күштеп әкеткендер үшін жаңа санкциялар енгізді. Бұл туралы DW ақпарына сүйенген rast.kz хабарлайды.
Украинадан кәмелетке толмаған балалаларды мәжбүрлеп әкетуге, оларды соғыс рухында қайта тәрбиелеуге қатысқан 16 жеке тұлға мен 7 ұйым Еуропа одағының шектеулеріне ұшырады.
Еуроодақ кеңесі 11 мамыр, дүйсенбі күні Украинаның аумақтық тұтастығына, егемендігі мен тәуелсіздігіне нұқсан келтіретін әрекеттерге қатысқан жеке тұлғалар мен ұйымдарға қарсы санкциялар енгізілгенін жариялады. Шешім украиналық балаларды қайтарғаны үшін халықаралық коалиция кездескен күні қабылданды.
Қазіргі уақытта 100-ден астам жеке және заңды тұлғалар Еуроодақтың осындай айыппұл шараларына іліккен.
ЕО-ның бағалауы бойынша, Украинаға кең ауқымды шабуыл басталғаннан бері Ресей 20 500-ге жуық украин балаларын заңсыз депортациялап, мәжбүрлеп көшірді. Бұл әрекеттер халықаралық және бала құқықтарының ауыр бұзылуы ретінде қарастырылады және Кеңестің бағалауы бойынша балаларды орыстандыруға, соның ішінде оларды мәжбүрлеп төлқұжаттауға, идеологиялық өңдеуге және милитаризациялауға бағытталған.
